Што мяркуе беларуская моладзь?
Вынікі сацыялагічнага даследавання Моладзевага Блоку за красавік-травень 2023
У разгар палітычнага крызісу ў Беларусі, а таксама развязанай Расіяй вайны супраць Украіны, настроі ў беларускім грамадстве асабліва палярызуюцца. Сярод іншых асабліва цікавым з'яўляецца вывучэнне поглядаў моладзі — найбольш актыўнай і мабільнай групы насельніцтва.
У межах нашай агульнай дзейнасці, даследчая група Моладзевага Блоку правяла другую хвалю сацыялагічнага даследавання для таго, каб высветліць, што ўяўляе сабой пакаленне, якое ўсё ці амаль усё свядомае жыццё пражыло пад уладай Лукашэнкі.
Вынікі папярэдняга, пілотнага даследвання за 2022 год можна паглядзець тут.
У межах нашай агульнай дзейнасці, даследчая група Моладзевага Блоку правяла другую хвалю сацыялагічнага даследавання для таго, каб высветліць, што ўяўляе сабой пакаленне, якое ўсё ці амаль усё свядомае жыццё пражыло пад уладай Лукашэнкі.
Вынікі папярэдняга, пілотнага даследвання за 2022 год можна паглядзець тут.
Аб'ём выбаркі: 841 рэспандэнт (максімальная хібнасць 3,4% пры даверным інтэрвале 95%).
Метад збору інфармацыі
Мэтавая
Аўдыторыя
Аўдыторыя
Анлайн-апытанне, шляхам самазапаўнення анкеты.
Рэкрутынг рэспандэнтаў з дапамогай рэкламы ў сацыяльных сетках (VK, OK, Mail.ru, FB, IG).
Рэкрутынг рэспандэнтаў з дапамогай рэкламы ў сацыяльных сетках (VK, OK, Mail.ru, FB, IG).
Выбарка прэзентуе беларускую моладзь (18-35 гадоў), якая карыстаецца інтэрнэтам.
Перыяд правядзення
Перыяд апытання рэспандэнтаў: 4 красавіка – 15 траўня 2023
Аб'ём
выбаркі
выбаркі
З-за згаданых асаблівасцяў рэпрэзентатыўнасці і спецыфікі рэкрутынгу ў выбарцы перапрадстаўлена гарадское насельніцтва , мужчыны і людзі з вышэйшай адукацыяй. Таму адказы могуць быць больш пратэстныя, чым у рэчаіснасці – менавіта такія пазіцыі часцей уласцівыя прадстаўленымі сацыяльна дэмаграфічнымі групамі.
Пры гэтым практыка выкарыстання аналагічных выбарак дэманструе, што атрыманыя дадзеныя апынуліся блізкімі да вынікаў апытанняў па імавернасных выбарках. Такім чынам, нягледзячы на ўзгаданыя асаблісвасці, вынікі апытання адлюстроўваюць асноўныя тэндэнцыі ў грамадскай думцы беларускай моладзі.
Пры гэтым практыка выкарыстання аналагічных выбарак дэманструе, што атрыманыя дадзеныя апынуліся блізкімі да вынікаў апытанняў па імавернасных выбарках. Такім чынам, нягледзячы на ўзгаданыя асаблісвасці, вынікі апытання адлюстроўваюць асноўныя тэндэнцыі ў грамадскай думцы беларускай моладзі.
Асноўныя высновы:
- 1Блок унутранай палітыцы:
- Большасьць беларускай моладзі (73%) цікавяцца палітыкай. Хаця часцей стаўленне да дзейнай улады негатыўнае (58%), адназначнай падтрымкі бягучых апазіцыйных структур няма (46%).
- Моладзь слаба асацыюе сябе з бягучай дзяржавай. Толькі трэць апытаных (28%) лічыць, што яна абараняе іх інтарэсы, прыкладна столькі ж давярае дзяржаўным інстытутам.
- Па суадносінах ведаў і даверу сярод моладзі лідзіруюць амаль толькі апаненты дзейнай улады. Палітычныя арганізацыі: Офіс Святланы Ціханоўскай, Полк Каліноўскага, Кіберпартызаны і ByPol. Палітыкі: Святлана Ціханоўская, Віктар Бабарыка, Марыя Калеснікава, Павел Латушка і Аляксандр Лукашэнка.
- Пры гэтым амаль палова моладзі (44%) адзначаюць, што не гатовыя да пратэстных дзеянняў. Сярод тых, хто гатовы пераважае цікавасць да петыцый, байкоту тавараў і вулічных сімвалічных акцый.
- 2Блок знешняй палітыцы:
- Сярод моладзі найбольш папулярная пазіцыя знешнепалітычнага нейтралітэту краіны: як па пытанні ўдзелу Беларусі ў расійска-ўкраінскай вайне (30%), так і ў выбары агульнай арыентацыі на саюз з Расіяй або ЕС (44%).
- 3Блок задаволенасці ўмовамі жыцця:
- У цэлым беларуская моладзь не задаволена ўмовамі жыцця ў краіне (59%). Больш за палову лічаць, што справы ў краіне рухаюцца ў няправільным кірунку (58%) і большасць выступае за рэформы (74%).
- Сярод праблем моладзі пераважаюць праблемы, звязаныя з палітычным крызісам і нізкім узроўнем жыцця: нізкія заробкі (76%), высокія цэны на прадукты (58%), несумленныя выбары (55%) і парушэнні правоў чалавека (55%).
- Дастаткова шырока распаўсюджаны ўстаноўкі на міграцыю: амаль палова (45%) хацела б пераехаць у іншую краіну на пастаяннае месца жыхарства, а 15% ужо прадпрымаюць для гэтага канкрэтныя дзеянні.
Поўныя дадзеныя даследавання:
Вышэй прыведзена толькі частка атрыманых дадзеных.
Па спасылках ніжэй вы можаце азнаёміцца з поўнымі вынікамі праведзенага даследавання як у выглядзе аналітычнай прэзентацыі, так і ў выглядзе табліц (са спасылкай на зыходны масіў):
Па спасылках ніжэй вы можаце азнаёміцца з поўнымі вынікамі праведзенага даследавання як у выглядзе аналітычнай прэзентацыі, так і ў выглядзе табліц (са спасылкай на зыходны масіў):
Ёсць пытанні?
